نوسەران
عەبدوڕەحمان ئەحمەد وەهاب
عەبدوڕەحمان ئەحمەد وەهاب بڕوانامەی دکتۆرای لە کۆمەڵناسیی و سیاسەتی پەروەردەییدا هەیە. ئەزمونی کار و توێژینەوە و نوسینی لە بوارەکانی زانستە مرۆیی و فەرهەنگییەکان بەگشتیی و بەتایبەتیی لە بوارەکانی پێداگۆجیی رەخنەگرانە، پەروەردەی دیمۆراتیی، سیاسەتی پەروەردەیی و هەڵسەنگاندن، سۆسیۆلۆجیی ناسنامەی نەتەوەیی، ناسیۆنالیزم و بنەما پەروەردەیییەکانی دەوڵەتی مۆدێرندا هەیە.
ئارام قادر کۆکۆیی
ئارام قادر کۆکۆیی هەڵگری بڕوانامەی ماستەر لە بواری ئابوریی لە ویلایەتە یەکگرتوەکانی ئەمریکا - زانکۆی ئۆریگۆن ستەیت- ٢٠١٥. کۆکۆیی پێشتر وەک توێژەر لە گەڵ رێکخراوی نەتەوەیەکگرتووەکان کاریکردوە و جگە لەوەش سەرپەرشتی چەند پڕۆژەیەکی کردوە کە لە لایەن ئەو رێکخراوەوە و ڕێکخراوەی GIZ ەوە تەمویل کرابوو.
ئاراس مەسیفی
بەکالۆریۆسی لە زانستە سیاسییەکان لە زانکۆی هامبۆرگ، ئەڵمانیا، خوێندوە. ئێستا خوێندکاری ماستەرە لە بەشی کولتور و مرۆڤناسی لە زانکۆی ماربۆرگ، ئەڵمانیا. لە ٢٠١٥ بۆ ٢٠١٩ یاریدەدەری کاروباری سیاسیی، کولتوریی، میدیایی بوە لە کۆنسوڵگەری گشتیی ئەڵمانیا لە هەولێر. ٢٠١٣ بۆ ٢٠١٥ دەستەی دامەزرێنەر و بەرێوبەری ماڵپەڕ و گۆڤاری“ Dissident“ بە زمانی ئەڵمانی .
ئاوارە حوسێن
هەڵگری بەکالۆریۆسە لە یاسا، زانکۆی سلێمانی ٢٠١١، ماستەر لە یاسا نێودەوڵەتی، زانکۆی پونەی هیندوستان ٢٠١٣، و دکتۆرا لە یاسای تاوانکاریی نێودەوڵەتی، زانکۆی سۆران، ٢٠٢١. دەستەی دامەزرێنەر و یەکەم سەرۆک بەشی یاسای زانکۆی هەڵەبجەیە، لە ئێستادا ڕاگری کۆلێجی یاسا و کارگێڕیی زانکۆی هەڵەبجەیە، بەشدار لە چەندین کۆبونەوە، کۆنفرانس و وۆرکشۆپی نێودەوڵەتی کردوە لە بواری پسپۆڕیدا لە هیندوستان، ژاپۆن، هۆڵەندا، بەلژیکا، هەنگاریا و ئەڵمانیا.
داستان جاسم
داستان جاسم، توێژەرە لە چەندان بواری جیاوازی دیراسەكردنی تایبەت بە كوردستان، خاوەنی بڕوانامەی ماستەرە لە زانكۆی هایدبێرگی ئەڵمانی لە زانستە سیاسییەكاندا. ساڵی رابردو وەك سكۆلار لەگەڵ سەنتەری دیراسەكردنی جێندەر و بەرەوپێشچوونی زانكۆی ئەمریكی-سلێمانی كاریكردووە، ئێستاش وەك توێژەر لە ئەكادیمیای هایدبێرگ بۆ توێژینەوەی ململانێیە نێودەوڵەتییەكان كاردەكات.